Carrughju Napuleò (Bastia)
![](http://chped.net/https/upload.wikimedia.org/wikipedia/commons/thumb/8/80/Bastia%2C_u_carrughju_Napule%C3%B2.jpg/250px-Bastia%2C_u_carrughju_Napule%C3%B2.jpg)
U carrughju Napuleò, in francese rue Napoléon, hè un carrughju di Bastia, situatu in u quartieru di Terra Vechja.
Era a via principale di a cità nanzu à a a custruzzione di i casali di A Traversa (boulevard Paoli).
![](http://chped.net/https/upload.wikimedia.org/wikipedia/commons/thumb/5/53/Cummerciu_carrughju_Napule%C3%B2%2C_Bastia.jpg/220px-Cummerciu_carrughju_Napule%C3%B2%2C_Bastia.jpg)
U carrughju hè statu difesu à e vitture. Hè diventatu pedunale in u 2013[1]. Oghje ci si trovanu parechji cummerci, sopr'à tuttu alimentarii[2].
Situazione[mudificà | edità a fonte]
![](http://chped.net/https/upload.wikimedia.org/wikipedia/commons/thumb/5/54/Corsica_Bastia_Rue_Saint-Jean.jpg/220px-Corsica_Bastia_Rue_Saint-Jean.jpg)
U carrughju Napuleò principia à u nordu in cima di a piazza Santu Niculà. Si compie à meziornu da E Terrazze, in francese rue des Terrasses.
Parechji carrughji ci sboccanu :
- Carrughju Jean Casale
- Carrughju San Roccu
- Carrughju di l'arillogiu à sole (rue Neuve Saint-Roch)
- Carrughju Jacques Faggianelli
- Carrughju di a Cuncezziò
- Carrughju Funtana Nova
Lastra di u carrughju di l'arillogiu à sole
Munumenti[mudificà | edità a fonte]
Ci sò duie chjese situate carrughju Napuleò : San Roccu è A Cuncezziò.
-
San Roccu
-
A Cuncezziò
Lochi d'interessu[mudificà | edità a fonte]
À u numeru 13, sopr'à u purtone di u casale ci hè un bassurilievu chì rapresenta una Madonna di l'Immaculata Cuncezzione. Fatta di marmeru biancu, hè di u XVIIIu seculu.
![](http://chped.net/https/upload.wikimedia.org/wikipedia/commons/thumb/0/0d/Bassurilievu_di_a_Madonna%2C_Immaculata_Cuncezzione%2C_Bastia.jpg/150px-Bassurilievu_di_a_Madonna%2C_Immaculata_Cuncezzione%2C_Bastia.jpg)
À u numeru 11, sopr'à a porta d'entrata ci hè un bassurilievu in teghja chì rapresenta dui griffoni. Portanu un stemma.
![](http://chped.net/https/upload.wikimedia.org/wikipedia/commons/thumb/d/d2/Soprusciu%2C_carrughju_Napule%C3%B2_in_Bastia.jpg/220px-Soprusciu%2C_carrughju_Napule%C3%B2_in_Bastia.jpg)
À u numeru 8 ci hè una piccula statua chì rapresenta à Santa Catalina d'Alessandria.
![](http://chped.net/https/upload.wikimedia.org/wikipedia/commons/thumb/3/3e/Statua_di_Santa_Catalina_d%27Alessandria%2C_carrughju_Napule%C3%B2_in_Bastia.jpg/150px-Statua_di_Santa_Catalina_d%27Alessandria%2C_carrughju_Napule%C3%B2_in_Bastia.jpg)
À u numeru 9 si vede un balcone in ferrru à u quintu pianu. Ci si vede un fiore di gigliu stazzunatu, simbulu di a munarchia francese. Si pò dunque datà trà u principiu di a cunquista francese (1768) è a rivuluzione (1789).
![](http://chped.net/https/upload.wikimedia.org/wikipedia/commons/thumb/0/0f/Balcone_in_ferru_stazzunatu%2C_carrughju_Napule%C3%B2_in_Bastia.jpg/220px-Balcone_in_ferru_stazzunatu%2C_carrughju_Napule%C3%B2_in_Bastia.jpg)