Portivechju
| Portivechju
| |
|---|---|
| Statu | Francia |
| Rigioni | Corsica |
| Dipartimentu | Pumonte |
| Circundariu | Sartè |
| Cantonu | Portivechju |
| Codici INSEE | 2A247 |
| Codici pustali | 20137 |
| Merri | Giorgiu Mela |
| Intercumunalità | |
| Longitudina | 9° 16’ 49" E |
| Latitudina | 41° 35’ 30" N |
| Altitudina | 40 m |
| Superficia | 16 865 ettari |
| Pupulazioni | 11 826 |
| Dinsità | 70 ab./km² |
Portivechju ò Portivecchju, hè una cumuna di u dipartamentu di u Pumonti (Corsica suttana). Hè a terza cità di l'isula di Corsica cù a so pupulazione ma ancu cù a so superficia. Pussede 11.229 abitanti in u 2021. Si chjamava Portus Syracusanus à l'epica rumana è Ventimiglia la nova à l'epica genovese. Hè cunnisciuta da i so salini (hè cugnumata "cità 'llu sali") è da a so impurtanta suariccia. Fù un locu di pastori vinuti di l'Alta Rocca. L'abitanti sò chjamati Purtivichjacci.
Giugrafia[mudificà | edità a fonte]
.jpg)
A cità di Portivechju hè situata à u Sudeste di a Corsica. A so superficia hè di 168,65 km². Hè cusì a terza cumuna a più maiò di l'isula, dopu à Sartè è Calinzana. U Mare Tirrenu hè situatu à u livanti di a cità. Rinumata per e so piaghje (Cala Rossa, Palombaggia, Santa Ghjulia...), Portivechju pussede salini d'una decina d'ettari, ma chì oghji sò ghjeneralmeinte abbandunati. Portivechju hè oghji a più grande cità di l'estremu Sudu di a Corsica.
Rilievu[mudificà | edità a fonte]
Portivechju hè duminata à u punente da i rilievi di l'Ospedale è di a Cagna, chì sò l'estensione meridiunale di u massicciu di l'Alcùdina.
Marine[mudificà | edità a fonte]
A cumuna di Portivechju pussede parechje marine (o piaghje). E più famose sò Palombaggia, Santa Ghjulia, Cala Rossa, Tamaricciu o ancu Portu Novu.
Idrografia[mudificà | edità a fonte]
Ci sò parechji fiumi nantu à u territoriu di a cumuna di Portivechju, cum'è u Cavu, l'Osu o ancu u Stabiacciu. Qualchì stagni è lavi (naturali o artifiziali) sò ancu prisenti.
Clima[mudificà | edità a fonte]
U clima di Portivechju hè mediteranniu. L'estati sò caldi è l'inverni dulci. A timperatura media hè superiore à 17°C. A timperatura a più fredda registrada hè di -2,9°C, è a più calda di 41°C.
| Ghj | Fri | Mar | Apr | Mag | Ghj | Lug | Aos | Sit | Utr | Nuv | Dic | Annu | |
|---|---|---|---|---|---|---|---|---|---|---|---|---|---|
| Timperatura massima
media (°C) |
14 | 14 | 16 | 18 | 22 | 26 | 30 | 30 | 26 | 23 | 18 | 15 | 21 |
| Timperatura media (°C) | 11 | 11 | 12,5 | 14,5 | 18 | 22 | 25,5 | 25,5 | 22,5 | 19,5 | 15 | 12 | 17,4 |
| Timperatura minima
media (°C) |
8 | 8 | 9 | 11 | 14 | 18 | 21 | 21 | 19 | 16 | 12 | 9 | 13,8 |
| Ghj | Friv | Mar | Apr | Mag | Ghj | Lug | Aos | Sit | Utr | Nuv | Dic | |
|---|---|---|---|---|---|---|---|---|---|---|---|---|
| Timperatura (°C) | 15 | 14 | 14 | 16 | 18 | 23 | 25 | 26 | 24 | 22 | 18 | 16 |
Trasporti[mudificà | edità a fonte]
Maritimi[mudificà | edità a fonte]
Portivechju hà un portu cummirciale è una gara marittima. Sò situati à a calata di Siracusa è sò gestiti da a Càmera di Cumerciu è d'Industria d’Aiacciu è di a Corsica Suttana. A cità hè culligata à u portu di Marsiglia da rotazione regulare (ogni marti, ghjovi è sàbbatu). Ci sò ancu altre destinazione cum'è Tulone, Nizza, Savona, Piombinu, Posthudorra è Golfo Aranci. Portivechju hà ancu una stazione di a Sucietà Naziunale di Salvamentu Marittimu (SNSM) cù dui battelli.
Farruviari[mudificà | edità a fonte]
Portivechju ùn hà micca linea di camini di ferru dapoi a so destruzione à a fine di a guerra, in u 1943.
Autobus[mudificà | edità a fonte]
Ci sò qualchì di linee d'autobus regulare chì passanu o vanu à a cità. E dui principale cità di l'isula, Bastia è Aiacciu, sò cullegate da Portivechju in autobus.
Aerei[mudificà | edità a fonte]
L'aeroportu di Figari Corsica-Suttana hè situatu à solu 23 chilometri di Portivechju. Hè accessibile da a cità grazia à a strada dipartimentale D859 in parte.
